Popular Bible Verses from Lukas 9

Share

Unkan owasin hewicakiya; Tuwe miyahna u wacin kinhan, waipiic̣ida, qa anpetu otoiyohi cansusbeca kin kic̣in, qa miyahna u kta.

Tuwe kaśta wiconi kin hduhe wacin kinhan, togeḣpekiye kta ce; tuka tawe kaśta miye on wiconi kin togeḣpekiye cinhan, hee hduhe kta ce.

Unkan Jesus heciya; Wicaśta kin tuwe maḣiyumdu wanna yuze, c̣a hehan hinakaha hakikta kinhan, he Wakantanka tokiconze kin en ope kta iyecece śni ce.

Wicaśta togeḣpeic̣iya, qa iś tokan eḣpeyapi hecinhan, maka kin ocowasin ohiic̣iya eśta, taku ecin on tanyan un kta he.

Tuwe miye qa mioie kin on iśtece cinhan, hee on Wicaśta Cinhintku kin iśtece kta, tohan iye towitan, qa Atkuku tawa qa taohnihde wakan tawapi kin hduha u kinhan.

Unkan Jesus heciya; Śungidan kin waśun tonpi, qa maḣpiya okinyanpi kin hoḣpi yuhapi, tuka Wicaśta Cinhintku kin iye pa kin tukten iwanke kte cin ee kaeś hduhe śni ce.

Qa hewicakiya; Tuwe kaśta hokśiyopa kin de micaje on eyaku kinhan, he miye e emayaku; qa tuwe kaśta miye emayaku kinhan, he umaśi kin hee eyaku ece; hecen niyepi owaśin wanji tukte nicistinpidan kinhan, hee tanka kta ce, eya.