Popular Bible Verses from Lukas 8

Share

Tuka tona wanna wicoie naḣonpi ec̣a, cante waśte qa owotanna mahen yuha unpi, qa wacintankaya sutonpi kin hena maka waśte akan un qon hena eepi ce, eya.

Qa tona wanna naḣonpi, qa hehan tokiya yapi, qa wiconi kin de woawacin kin, qa wowijice, qa wowiyuśkin kin, hena on aoṭinzapi, qa hecen tanyan sutonpi śni kin hena wapepeka ehna hinḣpaye ciqon eepi ce.

Tona wicoie naḣonpi eca iyuśkinyan icupi ece kin hena imnija akan un qon hena ee; hena hutkan nicapi, qa cistiyedan wicadapi, tuka taku iyutanwicayapi hehan ayuśtanpi ece.

Unkan hewicakiya; Wacinyayapi kin tukte e he. Unkan iś wikopapi, inihanpi qa hekiciyapi; De taku wicaśta he; tate mini kici ee kaeś okiya eca, anagoptan ece.

Canku icahda qon he tona naḣonpi kin heepi; hehan wakan śice cin en hi, qa wicoie kin cantepi kin etanhan eyaku ece, awacinpi qa niwicayapi kte śni heon.

Taku anaḣmanpi qa yuotaninpi kte śni wanic̣a; qa nakun taku yutaninśniyan hnakapi qa yutaninyan eyakupi kte śni wanica ce.

Unkan winoḣinca qon wanna inaḣbe śni e wanhdake c̣ehan, cancanyan u, qa itokam makata eḣpeic̣iye, c̣a oyate kin owasin wicitokam, taku on yutan, qa token wancake asniyanpi kin he okiyaka. Unkan heciya; Cunś, cante waśte wo; wacinyaye cin he asniniyan ce: wookiye on hda wo.

Hehan en hipi qa yuḣicapi qa heyapi; Itancan, Itancan, untakunipi śni. Unkan najin hiyaye c̣a, tate qa mini taja ko kiśica: hecen ayuśtan, qa amdakedan tanka.