Popular Bible Verses from Luka 8

Share

Nacio mbeû irîa ciagwîre mûtheturî ûrîa warî mûnoru, nî andû arîa megucaga ndûmîrîri ya Ngai na makamiga marî na ngoro mbaro na mbathîki, na magakirîrîria nginyagia rîrîa makaagîa maciaro.”

Nacio mbeû irîa ciagwîre mbîtîkîrarî ya mvîndî cia mîgua, nî andû arîa mathikagîrîria ndûmîrîri ya Ngai, nwatî waganu, ûtonga, na ikeno cia gûkû nthî ikathararia ndûmîrîri îo, na maciaro mayo makarega gûkûra.

Nacio mbeû irîa ciagwîre rûciararî, nî andû arîa megucaga ndûmîrîri ya Ngai na makamîamûkîra makenete, nwatî makaremwa kûmîkindîria ngororî ciao, nîûndû metîkagia wa kavinda kanini na vîndî îrîa maumîrîrwa nî magerio makagwa.

Jesû nî wacokire akîûria arutwa ake atîrî, “Mûregete kûgîa na wîtîkio nîkî?” Nao nî maamakire, makîgua guoya na makîambîrîria kûrania atîrî, “We! Kaî mûndû ûyû arî ke û? Ke aratha rûkûngi wana manjî, nacio ikamwathîkîra?”

Mbeû irîa ciagwîre gacîrarî nî andû arîa megucaga ndûmîrîri ya Ngai, nwatî Ngoma akathiî kûrî o na akathengutia ndûmîrîri îo kuuma ngororî ciao nîguo matigetîkie na matikavonokue.

“Gûtirî ûndû wana ûmwe mûthithe ûtakoonanua ûtherirî, wana kana mûkunîkîre, ûtakaamenyeka na umîrue ûtherirî.

Rîrîa mûndûmûka ûcio oonire atî nîwamenyeka, nîwaumîrire akinainaga na akîgwîthia vau nthî magûrûrî ma Jesû. Mûndûmûka ûcio arî vau mbere ya andû onthe, nîwaumbûrire gîtûmi Kîam amûvutie na ûrîa ke aavonirue wa rîmwe. Nake Jesû nîwamwîrire atîrî, “Mwarîwa, gwîtîkia gwaku nîkuo gwatûma ûvone. Thiî na thayû.”

Nao arutwa a Jesû nî maathiîre varîa aarî, makîmûramûkia na makîmwîra atîrî, “Mwarimû! Tûrî vakuvî gûkua!” Nake Jesû nî waramûkire na agîkaania rûkûngi na ndivû cia manjî, naruo rûkûngi rûgîtiga kûvurutana na îria rîkîvoorera.