Popular Bible Verses from Luka 17

Share

Nake Jesû nîwacokire akîra mûndû ûcio atîrî, “Rûngama na wîthiîre, gwîtîkia gwaku nîkuo gwatûma ûvone.”

Na angîkûvîtîria maita mûgwanja mûthenya ûmwe, na wa riita rîrîa aakûvîtîria aûke kûrî we na akwîre atîrî, ‘Nie nînavera,’ we nwa nginya ûmwovere.”

Rîrîa mûndû ûmwe gatagatîrî kao oonire atî nîwavonua, nîwacokire vuva agîkumagia Ngai na mûgambo mûnene. Nake mûndû ûcio akinya varîa Jesû aarî, nîwegwîthirie nthî magûrûrî ma Jesû na akîmûcokeria ngatho. Mûndû ûcio aarî Mûsamaria.

Kwoguo menyagîrîrani ciîko cienyu! “Mûrwanyûkwe angîkûvîtîria mûkanie, na angîkûverera mwovere.

Nake Jesû nîwamûûririe atîrî, “Na kinthî nditheririe andû îkûmi? Acio engî kenda-rî, marî kû?

Nake Mwathani nîwamacokerie atîrî, “Angîthîrwa mûrî na wîtîkio wîgana ta mvîndî ya mûtî wa karatarî, nwa mwîre mûkûyû ûyû atîrî, ‘Îîkûûre na wîvande îriarî!’ Naguo nwa ûmwathîkîre.

Mûndû wa wonthe ûgeragia kûvonokia mwoyo wake nîagaaûta, nake ûrîa ûtecaga mwoyo wake nîakaaûvonokia.

Jesû nîwerire arutwa ake atîrî, “Maûndû marîa matûmaga andû mevie, nwa nginya moneke. Nwatî kaî mûndû ûrîa ûtûmaga maûndû mau moneke arî na thîna-î! Wana nî kava mûndû ûcio overerwe îthiga rîa kîthîi ngingorî yake akînaikua îriarî, gûkîra kûmûrekereria avîtithie kamwe ga twana tûtû tûnini.

Wata ûrîa gwekariî vîndî ya Nuhu, nwaguo gûgeekara mûthenya wa Mûrû wa Mûndû. Andû nîmaarîcaga na makanyua, makavikania na makavikua, nginya mûthenya ûrîa Nuhu aatonyire thavinarî na mbura ya kîvovoto îkiura na îkîmaûraga onthe.