Popular Bible Verses from Joh 16

Share

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Rîrîa Roho ûrîa wonanagia ûvoro wa ma wa Ngai agaaûka, nîakaamûtongoria maûndûrî monthe ma ma. Ke ndakaaria maûndû na wathani, nwatî akaaria marîa egucaga na amwîre ûvoro wîgiî maûndû marîa magaaûka.

Nginya rîu gûtirî ûndû mwanavoya na rîîtwa rîakwa. Voyani namue nîmûkûvewa na mûcoke mûgîe na gîkeno gîkî gîcûru.

Nwatî nîramwîra na ma atî: nie nathiî nîmûkûgîa umithio nîûndû nîngîrega kûthiî mûtigaatûmîrwa Mûtethia. Nwatî nathiî nîngaamûtûma kûrî mue. Rîrîa agaaûka nîakoonia andû a gûkû nthî ûrîa mavîtîtie îgûrû rîa maûndû megiî wîvia, ûthingu na ûvoro wîgiî gûtuîrwa ciira.

Kwoguo mue rîu mûrî na kîeva, nwatî nîngaamwona rîngî na vîndî îo nîmûkaagîa na gîkeno, gîkeno kîrîa gûtarî mûndû ûngîmûcuna. “Rîrîa mûthenya ûcio ûgaakinya mûtikaambûria wanarî atîa. Nie nîramwîra na ma atî, Vava nîakaamûva kîndû wa kîonthe kîrîa mûkaamûvoya na rîîtwa rîakwa.

Nie nîramwîra na ma atî: nîmûkaarîra mûrî na kîeva kîîngî mûno ngororî cienyu, nwatî andû a gûkû nthî nîmagaakena. Nîmûkaagîa na kîeva, nwatî kîeva kîenyu nîgîgaacoka gîtuîke gîkeno.