Popular Bible Verses from Mk 11

Share

Kwa kĩtumi kĩu, nĩmũtavya kana yĩla mwavoya na mweetya Ngai kĩndũ, ĩkĩĩai kana nĩmwakwata na nũkũmũnenga.

Nĩmũtavya w'o, o ũla ũkatavya kĩĩma kĩĩ, ‘Kũka vau wĩyĩkye ũkanganĩ,’ na aiĩkĩĩa ate na nzika ngoonĩ yake kana ũu wasya nũkwĩthĩwa, ndeto syake ikeanĩw'a.

Na yĩla mwaũngama mũvoye, ekeai kĩla mũndũ ũla mwĩ na ũndũ nake, nĩ kana o nake Ĩthe wenyu ũla wĩ ĩtunĩ amũekee naĩ syenyu. [

Yesũ nĩwamasũngĩie amea atĩĩ, “Mũĩkĩĩei Ngai.

Nĩvo ĩndĩ wamanyĩisye andũ amea atĩĩ, “Maandĩkonĩ Matheu Ngai nũneenete akasya, ‘Nyũmba yakwa nĩ nyũmba ya kũvoyeawa nĩ andũ ma mbaĩ syonthe.’ Ĩndĩ mũmĩtw'ĩkĩthĩtye vandũ va kwĩvithaa avutani.”

Andũ ala maĩ mbee wake na ala mamumĩte ĩtina nĩmookĩlilye wasya mũnene mayasya atĩĩ, “Hosana! Nĩ mũathime ũla wũkĩte ĩsyĩtwanĩ ya Mwĩai.

Nĩ mũathime ũsumbĩ ũla wĩũka wa ũmae waitũ Ndeviti! Hosana ĩũlũ ĩtunĩ!”