Popular Bible Verses from Mat 24

Share

Nũndũ wa kwongeleka kwa mothũku, andũ aingĩ makaeka kũmenda andũ ala angĩ. Ĩndĩ mũndũ ũla wĩũmĩĩsya kũvika mũminũkĩlyo akatangĩĩwa.

Ũvoo Mũseo ĩũlũ wa ũsumbĩ wa Ngai ũkamba kũtavanw'a kĩla vandũ ĩũlũ wa nthĩ wĩthĩwe ũkũsĩ kwa mbaĩ syonthe, na ĩndĩ mũminũkĩlyo ũyũka.

Mũkeew'a ituu sya makaũ na ngewa sya makaũ mokĩte, ĩndĩ kĩu kĩikaamũmakye. Maũndũ asu no nginya mekĩke, ĩndĩ maikethĩwa mayonany'a kana ĩvinda ya mũminũkĩlyo nĩ ĩviku.

Nthĩ ĩkakwatya kaũ na ĩngĩ, na ũsumbĩ ũkavithũkĩa ũngĩ. Kũkeethĩwa mayũa na itetemo sya nthĩ kũũ na kũũ. Maũndũ asu onthe nĩmo makethĩwa wambĩlĩĩlyo wa thĩna, ta woo ũla wambaa kũkwata mũndũ mũka ĩvindanĩ ya kũsyaa.

Ĩtu na nthĩ ikathela, ĩndĩ ndeto syakwa ikekala tene na tene.

Andũ aingĩ makooka na ĩsyĩtwa yakwa mayasya, ‘Ninyie Klĩsto,’ na makakenga andũ aingĩ.

“Nĩvo ĩndĩ mũkakwatwa na mũinenganwe mũthĩnw'e na kũawa. Mbaĩ syonthe ikamũmena nũndũ wakwa. Ĩvindanĩ yĩu andũ aingĩ makekya ngoo matie mũĩkĩĩo woo, na makathooany'a kwa amaitha na kũmenana ũmwe kwa ũla ũngĩ. O ta ũu, athani aingĩ ma ũvũngũ makaumĩla na makakenga andũ aingĩ.

Yesũ amasũngĩa amea atĩĩ, “Ĩkalai mwĩsũvĩĩte na mũiketĩkĩle mũndũ o na wĩva amũkenge.

Kwoou o nenyu ĩkalai mwĩyũmbanĩtye, nũndũ Mwana wa Mũndũ akooka saa ũla mũteũtalĩthasya.”

“Kwoou ĩkalai mwĩyũmbanĩtye, nũndũ mũyĩsĩ nĩ mũthenya wĩva ũla Mwĩai wenyu ũkoka.

“Vai mũndũ o na ũmwe wĩsĩ mũthenya kana saa wa mũminũkĩlyo. O na alaĩka ma ĩtunĩ vamwe na Mwana mayĩsĩ; no Asa e weka wĩsĩ mũthenya ũsu.

Nũndũ kũkaumĩla andũ aingĩ mekwĩyĩta Klĩsto, na athani aingĩ ma ũvũngũ. Makeeka syama nene na maũndũ ma kũseng'ya nĩ kana masye andũ, o na ala anyuve ma Ngai ethĩwa ũu nũtonyeka.

O ũndũ kwailyĩ ĩvindanĩ ya Noa, now'o kwĩĩthĩwa kũilyĩ Mwana wa Mũndũ ayũka. Ĩvindanĩ yĩu, nthĩ ĩtanamba kũvw'ĩkwa nĩ kĩw'ũ, andũ nĩmaĩsaa na kũnyw'a, na nĩmatwaanaa na kũtwawa, kũvika mũthenya ũla Noa walikile ngalawanĩ. Mayamanyaa kĩla kyaendee kũvika kĩla kĩw'ũ kingĩ kyooka, kyamavw'ĩka onthe. Ũu now'o kũkethĩwa ĩvindanĩ yĩla Mwana wa Mũndũ wĩũka.