Popular Bible Verses from MALIKO 9

Share

Na Yesũ amwĩa, Ethĩwa we nũtonya! Maũndũ onthe nĩmatonyeka kwa ũla ũnũkũĩkĩĩa.

Na oyu ĩthe wa ũla mwana aneena na wasya mũnene, asya, Nĩngũĩkĩĩa; ndethya vala ndekũĩkĩĩa.

Na Yesũ avota nyũmba, amanyĩw’a make mamũkũlya me nzama, Nĩkĩ ithyĩ tũinatonya kũwumya? Na amea, Mũthemba ũũ ndumĩka kwa ũndũ o na wĩva, ate o kwa kũvoya na kũtĩĩa ũya.

Mũnyũ nĩ mũseo: ĩndĩ mũnyũ wathela mũsamo waw’o, mũkasamĩthya na kyaũ? Ĩthĩwai na mũnyũ nthĩnĩ wenyu, na ĩkalai na mũuo inyw’ĩ kwa inyw’ĩ.

O ũla ũkosa kamwe ka syana nini iilyĩ kaa syĩtwanĩ yakwa, embosa nyie: na o ũla ũnũũmbosa nyie, ndeũmbosa nyie, ĩndĩ nĩ ũla wandũmie.

Nũndũ o ũla ũkamũnenga kĩkombe kya manzĩ mũnyw’e, nĩkwĩthĩwa mwĩ ma Klĩsto, nĩ w’o nĩngũmwĩa ndakaĩwa nĩ ĩtuvi yake.

Na o ũla ũkalulutĩkya kamwe ka tũũ tũnini tũla tũmbĩtĩkĩlaa, nĩ kavaa kwake kwoveewa ngingo ĩvia ĩnene ya kũthia, na akĩkw’a ũkanganĩ.

Na ethĩwa itho yaku nĩyĩũkũlulutĩkya, yumye: nĩ ũseo kwaku ũlike ũsumbĩnĩ wa Ngai wĩ na nthongo, kwĩ ũkĩkw’a Ngienanĩ wĩ na metho elĩ