Popular Bible Verses from MALIKO 16

Share

Na amea, Endai inyw’ĩ nthĩ yonthe, mũkaitavye syũmbe syonthe ũvoo mũseo.

Na syama ii ikamaatĩĩa ala meĩtĩkĩla: syĩtwanĩ yakwa makaumya ndaimoni; makaneena na ithyomo nzaũ; makakwata nzoka, na ethĩwa makanyw’a kĩndũ kyũaa, kĩĩkamathũkya nongi; makamailĩĩla moko ala awau, na makavoa.

Ũla ũnũkwĩtĩkĩla na kũvatiswa akatangĩĩwa; ĩndĩ ũla ũtekwĩtĩkĩla akasilĩlwa.

Nao mathi, matavan’ya ũvoo mũseo kũndũ kw’onthe, Mwĩaĩi akĩtethya wĩa vamwe nao, na akĩlũlũmĩlya ĩla ndeto na syama ila syaendanasya nayo. Ameni.

Na amea, Mũikaseng’e; mwĩmantha Yesũ Mũnasaleti, ũla ũnambiwe; nũthayũũkĩte; nde vaa: sisyai, vandũ vala manamwiĩte!

Na mookĩlya metho, moona kana ĩvia nĩyĩvingilitilw’e: nũndũ yaĩ ĩnene mũno. Na makĩlika mbũanĩ, moona mwanake ailyĩ ngalĩ ya kw’oko kwa aũme, ekĩĩte ngũa nzaũ ndasa; na maseng’a.