Popular Bible Verses from Luka 9

Share

Na ĩndĩ amea onthe, Ethĩwa mũndũ o na wĩva nũnũkwenda kũmbikĩla, nĩelee mwene, na kwĩyaĩkya ngelan’yo yake kĩla mũthenya, na akĩmbikĩla.

Nĩkwĩthĩwa o ũla ũnũkwenda kũvĩtya thayũ wake akawasya; na o ũla ũkwasya thayũ wake kwondũ wakwa, ũsu akoovĩtya.

Ĩndĩ Yesũ amwĩa, Mũndũ akwata mĩtĩ ya ĩembe ya ng’ombe, aisisya na ĩtina, ndeanĩwe nĩ ũsumbĩ wa Ngai.

Nũndũ mũndũ aunwa nĩ kyaũ, o na akosa nthĩ nima, akĩyananga, kana akĩyasya mwene?

Nũndũ o ũla ũkambĩw’ĩa nthoni nyie na ndeto syakwa, nũkew’ĩwa nthoni nĩ Mwana wa mũndũ, yĩla ũkoka ũtheunĩ wake mũtisu, na wa Ĩthe, na wa alaĩka atheu.

Na Yesũ amwĩa, Mbĩwa syĩ na maima, na nyũnyi sya yayaya syĩ na ndala; ĩndĩ Mwana wa mũndũ nde na vandũ va ũkomya mũtwe wake.

na amea, O ũla ũkosa kana kaa kanini syĩtwanĩ yakwa embosa nyie: na o ũla ũkambosa nyie eosa ũla wandũmie: nũndũ ũla mũnini katĩ wenyu, ũsu nĩwe mũnene.