Popular Bible Verses from Luka 8

Share

Ĩndĩ ila syĩ mũthanganĩ mũseo, nĩ ala mew’aa ndeto na ngoo nzeo na ya w’o, mailũmya, na maisyaa ũsyao, me na wũmĩĩsyo.

Na ila syavalũkile mĩw’anĩ, nĩmo ala mew’aa, na maithi mainyitwa nĩ mawĩmakĩo na ũthwii na motanu ma thayũ ũũ, nao matisyaa ũsyao ũkavika.

Ala me ĩvianĩ nĩmo ala mew’aa, makĩkwata ndeto na ũtanu; ĩndĩ mati na mĩi, na nĩmo mekwĩtĩkĩla kavinda kanini, ĩndĩ ĩvinda ya kũtatwa nĩmeũtia.

Nake amakũlya, Mũĩkĩĩo wenyu ũĩva? Nao makĩa na maseng’a, makĩneenan’ya, Ũũ nũũ ĩndĩ, nũndũ nũnũkwĩaĩa o na iseve na manzĩ, na ikamwĩw’a?

Ala me ũtee wa nzĩa nĩmo ala mew’aa; na ĩndĩ ndevili akyũka, akyumya ndeto ngoonĩ syoo, maikese kwĩtĩkĩla matangĩĩwe.

Nũndũ vai ũndũ ũvithe, ũla ũtakavuanw’a, kana kĩmbithĩ, kĩtakamanyĩka na kumbũka ũtheinĩ.

Na mũndũ mũka oona kana ndevithĩte, ooka aitetema, na avalũka mbee wake, na atavan’ya onthe makĩw’a ũndũ ũla ũtumie amũkiita, na ũndũ wavoa kavinda kau. Nake amwĩa, Mwĩĩtu, mũĩkĩĩo waku nĩwakũvosya; enda na mũuo.

Na mathi vala ũĩ, mamũamũkya, maimwĩa, Mwĩaĩi, Mwĩaĩi, nĩtũũkw’a. Nake aamũka, na akan’ya kĩseve na itulumo; nasyo syausya, na kwaya ũuu.