Popular Bible Verses from MATAYO 2

Share

Bagachia gosoa nyomba bakarora omwana amo na Mariamu ng’ina, bagatung’ama inse, bakamosasima; bagakunora chinibo chiabo, bakamokwaneria ebinto ebiya, etahabu, na ubani, na manemane.

Ekero Yeso aiboretwe aria Bethlehemu ya Boyahudi ase amatuko ’omoruoti Herode, rora, abanto abang’aini bakarwa ensemo ya moocha, bagacha Yerusalemu, bakaboria, “Ng’ai are oria oiborwa omoruoti bw’Abayahudi? Ekiagera eng’enang’eni yaye ntwayeroche moocha; nigo twachire komosasima.”

Ekero barora eng’enang’eni eria, bagaichorwa nomogoko omonene mono.

Erio kabakureirwe na Nyasae ase chindoto, tibairanera ase Herode, bakabwatia enchera eng’ao, bakagenda sobo. Ekero abanto baria bamanoire kogenda, rora, omomalaika bw’Omonene akaorokera Yusufu ase chindoto, akamotebia, “Imoka korwa aa, oire omwana na ng’ina, otame gochia Misiri, omenye aroro goika ngotebie, ekiagera Herode narigie omwana oyo anyare komoita.”