Popular Bible Verses from MATAYO 10

Share

“Rigereria, nabatomire inwe buna ching’ondi gati‐gati ye chisese chi’orosana. Ase ayio mobe abang’aini buna ching’iti, na abororo buna amaruma.

Oyorarigie koegera obogima bwaye nabosirie, na oyorasirie obogima bwaye ase engencho yane nabonyore.

Timoiroka abagoita omobere, abatanyare goita omoyo; kobua moiroke oyo oranyare goita omobere na omoyo ase omorero o kare na kare.

Na oyo otabogoreti omosalaba oye na gontunyana, tangwenereti.

Naki kera omonto oranyatore ase mwanyabanto, nainche boigo nimwatore ase Tata one ore igoro, korende oyorankane ase mwanyabanto, nainche nimokane ase Tata one ore igoro.

Abarwaire bagwenie, abakure babokie, abare noborwaire bwa ukoma basibie, na ebirecha birusie. Mwaeirwe bosa, nainwe karue bosa.

Ase ayio, timoiroka; inwe imobuete rigori rie chinchiro chinyinge.

“Timokaga ng’a nigo nachire korenta omorembe ase ense; tincheti korenta omorembe, korende omoro bw’esegi.