Popular Bible Verses from मरकुस 14

Share

होर बोल्या, “बापू, हे मेरे बाबू, तेरे ले सभ कुछ हुई सक्हा; एस दुखा रा डोंगें जो मेरे वाले ले हट्टाई दे: तेबे भी जेह्ड़ा हांऊँ चाहां तेह्ड़ा नी, पर जो तू चाहां तेह्ड़ा ई हो।”

जागदे होर प्रार्थना करदे रैहया ताकि जेबे तुस्सा री परखणी हो तेबे तुस्से परखणी रा मुकाबला करी सको। तुस्सा रा मन ता परखणी रा मुकाबला करणे कठे त्यार आ, पर सरीर कमजोर आ।”

हांऊँ तुस्सा किन्हें सच्च बोल्हा कि, सारे संसारा मन्झ जेथी केथी मसीह री खुसी री खबर प्रचार किती जाणी, तेथी तेस्सा रे एस कामा री गल्ला तेस्सा री यादा मन्झ बोली जाणी।”

होर यीसूए तिन्हा किन्हें बोल्या, “मेरा मन बौह्त दुआस आ, एथी तक कि मुंजो एह्ड़ा लगी करहा कि हांऊँ मरणे वाल़ा आ: तुस्से एथी रूका, होर मेरे साउगी जागदे रहूआ।”

होर जेबे स्यों खाया करहा ऐं थे ता यीसूए रोटी लई, होर परमेसरा रा धन्यावाद करी किन्हें तोड़ी, होर तिन्हा जो दिती, होर बोल्या, “लऊआ, ये मेरा सरीर आ।”

फेरी तिन्हें अंगूरा रे रसा रा डोंगा लई किन्हें परमेसरा रा धन्यावाद कितेया, होर तिन्हा जो दितेया; होर तिन्हें सभिऐ तेता मन्झा ले पितेया। होर यीसूए तिन्हा किन्हें बोल्या, “ये वाचा रा मेरा से खून आ। होर कई लोका रे पापा रे उद्धारा रे कठे बहाया जाहाँ।”

जेबे स्यों जैतूना रे प्हाड़ा पर जाया करहा ऐं थे तेबे यीसूए तिन्हा किन्हें बोल्या, “आज राती तुस्सा सभिया हांऊँ छाडी देणा होर भगी जाणा,” क्यूंकि पवित्र सास्त्रा मन्झ मेरे बारे मन्झ परमेसरे बोलिरा कि: “‘मां परमेसरा रा पुहाल मारी देणा, होर भेडा ओरे-परे बिखरी जाणी।’

ऊठा, चला! देखा, मेरा पकड़वाणे वाल़ा नेडे आई गईरा!”

यीसूए तेस किन्हें बोल्या, “हांऊँ तुध किन्हें सच्च बोल्हा कि, आज राती ई कुकड़ा रे दो बारी बांग देणे ले पैहले, तुध त्राय बारी मुखरी जाणा।”