Popular Bible Verses from लूका 6

Share

देई करा, ता तुस्सा जो भी दितेया जाणां: लोका तुस्सा जो पूरा नापी किन्हें, दबाई-दबाई किन्हें होर हिलाई-हिलाई किन्हें दली किन्हें तुस्सा री फाल्हे मन्झ पाणा, क्यूंकि जेस नापा किन्हें तुस्से नाप्हा ऐं, तेस ई नापा किन्हें तुस्सा रे कठे भी नाप्या जाणा।”

खरा माह्णुं मना रे भण्डार ले खरी गल्ला काढा; होर बुरा माह्णुं मना ले भण्डार ले बुरी गल्ला काढा; क्यूंकि जो मना मन्झ भरीरा, सेई मुंहा पर आई जाहाँ।”

बल्कि आपणे दुसमणा किन्हें प्यार रखा, होर तिन्हारा भला करा: होर दबारा वापस पाणे री आस नी रखी किन्हें धुआर देआ; होर तुस्सा जो बड़ा इनाम मिलणा। होर तुस्सा परमप्रधाना रे बच्चे बणना, क्यूंकि से तिन्हा पर जो धन्यावाद नी करदे होर बुरे ऐं से तिन्हा दुहींया पर तरस करहा।

जेह्ड़ा तुस्सा रा बापू दया करणे वाल़ा, तिहां ई तुस्से भी दया करणे वाल़े बणा।”

“केसी रा न्याय मत करहा ता तुस्सा रा भी न्याय नी हूंणा। दोस मत लगाऊआ, ता तुस्सा पर भी दोस नी लगाया जाणा। माफ करा, ता तुस्से भी माफ किते जाणे।

“पर हांऊँ तुस्सा सुणने वाल़ेया किन्हें बोल्हा कि, आपणे दुसमणा किन्हें प्यार रखा; जो तुस्सा किन्हें नफरत करहे, तिन्हारा भला करा। जो तुस्सा जो स्राप दे, तिन्हा जो तुस्से आसरीवाद देआ: जो तुस्सा री बेज्जती करहे, तिन्हारे कठे प्रार्थना करा।

होर जेह्ड़ा तुस्से चाहें कि लोक तुस्सा साउगी करहे, तुस्से भी तिन्हा साउगी तेह्ड़ा ई करा।”

तेरे मुंहा रे सीधी तरफ तुजो चांडा मारे, ता तेस वखा जो आपणे मुंहा रा दूजा पासा भी फेरी दे, तेस जो कुरता लैणे ले भी नी रोक। जो कोई तुध ले मांगे, तेस जो दे; होर जो तेरी चीजा लई ले तेस ले दबारा वापस नी मांग।

“कोई खरा डाल नी आ, जो बुरा फल ल्याए, होर ना ता कोई बुरा डाल आ, जो खरा फल ल्याए।

हरेक डाल आपणे फला ले पछ्याणया जाहाँ; क्यूंकि लोक झाकड़ा ले अंजीर नी तोड़दे, होर ना झड़बेरी ले अंगूर।