Popular Bible Verses from यहून्ना 12

Share

अगर जो कोई मेरी सेऊआ करणा चाहां, ता से आई किन्हें मेरा चेला बणे; होर जेथी हांऊँ आ तेथी मेरा सेऊआ करणे वाल़ा भी हूंणां। अगर कोई मेरी सेऊआ करघा, ता बापू तेसरी इज्जत करणी।”

जो आपणी जाना जो प्यारा जाणहां, तेस अनंतकाला री जिन्दगी गुआई देणी। होर जो एस संसारा मन्झ आपणी जान जो नी चाहन्दा, तेस आपणी जान अनंत जिन्दगी तक बचाई किन्हें रखणी।

हांऊँ तुस्सा किन्हें सच्च -सच्च बोल्हा कि, जेबे तक कणका रा दाणा जमीना मन्झ पई किन्हें मरी नी जांदा, से कल्हा रही जाहाँ पर जेबे से मरी जाहाँ, से बौह्त फल्हा फुल्हा। (होर मेरे किन्हें भी हूंणा)

हांऊँ संसारा मन्झ प्रयासा बणी किन्हें आईरा ताकि जो कोई मेरे पर विस्वास करहा, से नह्यारे मन्झ नी रही सको।

अगर कोई मेरी गल्ला सुणी किन्हें नी मनदे, ता मां से दोसी नी मनणा, क्यूंकि हांऊँ संसारा रे लोका जो दोसी बनाणे रे कठे नी, पर संसारा रे लोका रा उद्धार करणे रे कठे आईरा।

तेबे मरियमे खुस्बूदार (आधा सेर) कीमती इत्र लई किन्हें यीसू रे पैरा पर मल्या। होर आपणे बाला किन्हें तेसरे पैर पून्झे, होर इत्रा री खुसबू किन्हें सारा घर भर्ही गया।

तिन्हें खजरे रे पांगे लये, होर यीसू किन्हें मिलणे रे कठे निकली गये, होर चिंगी -चिंगी किन्हें बोलदे लगे, “परमेसरा री बड़ाई हो! धन्य आ इस्राएल देसा रा राजा, जो प्रभु रे हका ले आहूँआं।”

एता पर यीसूए तिन्हा किन्हें बोल्या, “से सही टैम आई गईरा कि हांऊँ माह्णुं रे मह्ठे री महिमा हो।