Popular Bible Verses from लूका 22

Share

“पिता, जे तुहें चाओ तां, मिन्जो इन्हां कष्टां ते छुड़ाई सक्कां ये। पर हऊँ चाँह भई मेरी नीं तेरी ही इच्छा पूरी ओ।”

पर शमौन, प्राथना च मैं तेरे खातर बिनती किति भई तेरा विश्वास टुटी नीं जाओ, इस खातर ताहली जे तू अपणे पापां ते मन फिराई ने मेरले वापस आई जाओ, ताहली अपणे भाईयां जो बी विश्वासा च मजबूत करयां।”

फेरी तिन्हे रोटी लेई; कने परमेशरा रा धन्यवाद करीने तोड़ी, फेरी अपणे चेलयां जो येढ़ा गलांदे हुयां दित्ति, “ये रोटी मेरे शरीरा रा प्रतीक आ तिसजो जे हऊँ तुहांरे खातर बलिदान चढ़ाईराँ, इसाजो खावा कने मिन्जो याद करने खातर ये रोटी खाया करा।”

खाणा खाणे ते बाद तिन्हे अंगूरां रे रस्सा रा इक होर कटोरा लेआ कने गलाया, “ये अंगूरां रा रस्स परमेशरा रिया तरफा ते, तिन्हारे नये वायदे रा प्रतीक आ, कने ये येढ़ा करार आ तिस पर हऊँ अपणा खून बगाई ने तुहांरे खातर मोहर लगाणे औल़ा।

यीशु बड़ा बेचैन हुईने प्राथना करने लगया। तिसरिया आत्मा रा दर्द इतणा बधीग्या भई तिसरा परसीन्ना खून्ना रे टेपयां साई धरतिया पर टपकणे लगया।

पर तुहें तेढ़े नीं हुयों बल्कि तुहां बिच सै जे सब्बीं ते महान आ, सै छोट्टे साई कने सै जे प्रधान आ, सै सेवका साई बणो।

फेरी यीशुये तिसने गलाया, “पतरस, हऊँ तेरने बोलां भई तदुआं तक जे तू तिन्न बार मेरा इन्कार नीं करी लेंगा भई हऊँ तिस्सो नीं जाणदा, तदुआं तक आज्ज कुकड़ा बांग नीं देणी।”