Popular Bible Verses from Yilipai 2

Share

Otosa-vei te sanu suri na asoaso e suria otovutivuti amiu, maa me na lolo tahonai otoninima ra tuamiu jivi amiu. Moso na tajua moninima ra sipilana sanu hasa maa motahonai moninima ra sanu pilara tuana.

Motahonai ra ninima hi Kristo tepilamiu mono

Isei mopala Atua me na majiha maa mosaninima motahonai mohijetohoae, Maa motapuna vea pala tajuatipa, molavi na epena tahavarao, mopala ra valura tajua. Momalua meja pala na tajua, tomosinono, mosahosore tuhe na mate, io, na mate me na hau palatusi.

Otoninima Atua, me na sena tahonai, tomovarao me na loloja sura veja tomeje na varao.

Suria Atua movutirahae, morahu ta mea na hisena mosale jivi ra valura hise. Sura hale na hisei Iesu ra tajua vunuvunu tetiepau, me na tailahi, me na ulu, me na vavana ulu. Sura ra memera tajua vunuvunu tevetiveti Iesu Kristo inie na Moli, sura hale Atua Tata.

Me ra sanu vunuvunu otovera, otovotoa na puruhutu me na aso hina jumu. Sura pise amiu otololovoe, ototaharahu, ra matui Atua, saite sanu oso me amiu, me na vuati hira tahaoso, tahapahilu, me na vuati hira ototila pala ra pula me na ulu.

Suria, ra tuau tahonai, otorohoe mine tuitui, naanoi otovarao me na ine me na epepeiri sura semiu jolo.