Popular Bible Verses from Mateu 3

Share

Paahi, nkhalane mihokorokho coocuwaneha urukunusa winyu mirima

Vano naheewiya ncu no wirimu niiraka: Ula mwanaka oofentiya, nokitteeliha nrima.

Yesu napattisiyene, ahokhuma mmaasini. Yooyo ukati uyo irimu yahohulya ni uyo ahoona Nnepa wa Nluku toko ikhuntta inkhuruwelaka.

Mi kinoopattisani ni maasi wiira nrukunuse nrima, nanso nohala uwa uttuli waka, haana ikuru impwaha yawaka, ni mi akimphwanela wiira kitthukule miripwe co'kwakwatta cawe. Uyo naahala wuupattisani ni Nnepa Nttakattifu ni mooro.

Ciicammo iheesiya ipaco wamititharini co miri, ni mwiri wothene uhinvaha mihokorokho comaana, unaathikiliya ni uvonyeriya umooroni.

Kontha Yohani, phi yooyo ahiminye ni nnapiyu Isaya eeraka: Ncu na ntthu nokhuwela ntakhwani niiraka: Nlokihe iphiro ya Apwiya, mookole mittala caya.