Popular Bible Verses from Mateu 2

Share

Waakenlyaya mpaani, yahomoona mwan'oyo ni Mariya anumwane. Yahokhoroma n'unlapela, ni atthukulaka mirupa caya, yahokumiha mihakhu n'untthuva; nnyo caari, iwooru, lumpani ni miira.

Yesu ayaryele uPetelehemu yo'Yuteya, Heroti nari mwene, yahowa uYerusalemu acuwelaci o'tthoottwa, yaakhuma mphantte unkhuma ncuwa, ni yaanakohakoha yiiraka: Ri vayi mwene a ayuta yaryele naanano uyo? Kontha nihowoona itthoottwa awe ikhumelelaka unkhuma ncuwa, ni naaweenle unlapela.

Woonnyaya itthoottwa ile, yahotteeliya venci n'utthapa.

Vano anahimeriyene munttorani wiira ahihokoleele wa Heroti, yahovira nttala nkina arwaaka uwannyaya. Vano waakhumilyaya acuwelaci, ahowa ncelo a Apwiya wa Yusufu munttorani ni ahomwiirela: Wiitthenkemanihe, unkuse mwan'oyo na anumwane, utthawele wIciipitu ni wakhale wonwo mpaka mi wuhimerya, maana Heroti naahala umwaavya mwan'oyo wiira amwiive.