Popular Bible Verses from Mphattuwelo 50

Share

Nyu nhokipankaca mi itthu yoonanara, nanso Nluku hopanka yeeyo itthu iyo ukhala yoorera, wiira mi ilelo kisunke ukumi wa atthu enci.

Vano Yusufu aheerelaca coo: Nhoovace, mi kinlamuliya ukhala nipuro na Nluku?

Phimaana nhoovace, mi kinaahala wuuvahani nyu iyolya wamoca na asaanenyu ayo. Commo pheenryawe Yusufu wowaamaaliha asunnawe ni ahoolumacera wo nifento.

wiira munhimyacere coo: Kinawuvekela waalevelele coonanara ni itampi cupankilyaya. Nna va ulevelele itampi ca akarumeya a Nluku a athumwana. Vano Yusufu waakhela wawe nhupi ule, ahoonla.

Vano Yusufu hinaya ukhwa aheerela asunnawe ayo coo: Kihanle vakani ukhwa, nanso khweli Nluku naahala wuukaviherani nyu, mpaka naahala wuukumihani ila ilapo ela, oorweehakani ilapo yiilupelenlyawe Nluku unvaha Aparahamu, Isaki ni Yakopi.

Vaavale Yusufu aheerelaca asaana a Sirayeli wiira nnolamuliya ulupela, eeraka coo: Nluku ookavihereni nyu, nhala nkumihaca makhuva aka ayo mu.

Phimaana Yusufu aakhwile narina myakha iminya nuuwa khumi (110) ceyarelo. Nrutthu wa Yusufu wahottikittheliya makhura oohunttiha irutthu, n'uheliya ncaneesani ni yahosunkiya wIciipitu.