Popular Bible Verses from Akalata 6

Share

Vano nihitoomwe upanka yoorera, kontha naahihiyeke, waphiyaka ukati ninaahala uhepha.

Phimaana, ninarinene nafasi, naapankeleke othene yoorera, venci venci ale ari amuci o muNnepani.

Nkavihane mirintti ntthu ni nkhwawe, commo phinhalenyu uttharihelela nlamulo na Kristu.

Nhikhale oothepiya: Nluku khanveehiya, kontha citthu cothene cinaalawe ntthu, cennyo naahala uhepha.

Kontha ule naala cinciveliha irutthu, nokohepha ukwanyuliya. Nanso ule naala cinciveliha Nnepa, nokohepha ukumi woohimala.

Asunnaka, wakhala wiira ntthu naaphwanyeriya apankaka itampi, nyu nri o muNnepani va, munttikitthe woopisa nrima. Mwiirattavelelaka mwanene enyu wiira ni nyu nhittehiye.

Kontha ntthu eecaalikelelaka ukhala oocuwannyaa, hikhanle oocuwannyaa, neethepya mwanene. Nanso khula ntthu aweheehe cimpankawe, phinhalawe ukhalana yowiittottopa veekhawe, woohilikanihera ni nkina. Kontha khula ntthu nolamuliya ukusa nrintti awe.