Popular Bible Verses from Akalata 5

Share

Nanso nhokorokho wo Nnepa uri: nifento, utteeliya, isalama, uvilela, ulokihana, imaani, ukhuluvelyaa, wiimaaliha, wiivaraca. Khaniwo nlamulo ninvaanyiha nnya citthu nnya.

Vano kinowiirelani coo: Mweette muNnepani ni nhittharihelele utthuna wo'rutthu.

Vano nahooleliyaka ni Nnepa, neetteke ni Nnepa.

Ale ari a Yesu Kristu, ihokhomeliya irutthu aya wansalapani, ni utthuna waya ni ucivelaciya waya.

Vano miteko co'rutthu cinaacuwannyaa, ciri toko nnya: uluva, iharamu, uraruwa, waalapela anluku, inyanka, wiinanaca, uvaanyihana, ihace, urusihana, wiittottopa, uhiiwanana, unyakulihana, urama, uhapaliya, nlula ni citthu coolikana toko nnya. Toko cuhimenryakani wupaceroni kiiraka, ale ampanka nnya citthu nnya khaanhala waakhela umwene wa Nluku.

Kontha nyu asunnaka, mwiihaneliye utaphuwa. Vano nhivaherere utaphuwa nwo utthuna wo'rutthu, nanso nwacawacane ntthu ni nkhwawe wo nifento.

Maana irutthu inaana ni Nnepa ni Nnepa unaana ni irutthu, ni nnya cinawiinanaca; phimaana nyu khannoorya upanka intthunenyu.

Maana Nlamulo nothene ninthukumaniheriya ni nuulumo nimoca, niri nna: Unfente nkhunanaa toko cineefentaa umwanene.

Phimaana nihiittottope, nihivirusane ntthu ni nkhwawe, nihikhalelane nttima ntthu ni nkhwawe.

Kristu honitaphula, wiira weekhweli nikhale ootaphuwa. Phimaana nkhale oolipa ni nhihokoleele tho upotthani.