Popular Bible Verses from Markus 5

Share

Kong Yesus bilang pa tu parampuang itu, “Ibu, skarang ibu so bae lantaran percaya pa Kita. Pigi jo deng hati tenang, ibu butul-butul so bae dari ibu pe panyaki.”

Di situ lei ada tu satu parampuang yang so dua blas taong da mendrita saki pendarahan. Dia so pi brobat pa dokter-dokter sampe de pe doi so abis, mar dia nyanda bae-bae. Jadi biar dia so pigi pa dokter-dokter nyanda ada de pe guna, malatare de pe saki so lebe soe.

Waktu itu jo dia pe pendarahan iko brenti kong dia dapa rasa kalu dia so bae.

Yesus pegang tu anak pe tangan kong Dia babilang, “Talita kum” de pe arti ‘Hei anak, bangong jo!’

Waktu Yesus samantara babicara, datang bebrapa orang dari Yairus kapala ruma ibada itu pe ruma, kong babilang pa Yairus, “Bapak pe anak so mati, jadi for apa lei batrosol pa Guru?” Mar Yesus nyanda farduli tu dorang da bilang. Dia bilang pa Yairus, “Jang tako, mar percaya jo.”

Tu orang da bicara bagitu, lantaran Yesus so lebe dulu bilang, “Hei setang! Kaluar ngana dari pa dia.” Kong Yesus batanya pa tu setang yang ada pa tu orang itu, “Sapa ngana pe nama?” Kong tu setang manyao, “Legion, lantaran torang kwa da banya.”