Popular Bible Verses from Yohanes 5

Share

Kita bilang pa ngoni, sapa jo yang dengar tu Kita da bilang deng percaya pa Tuhan Allah tu da utus pa Kita, dia itu mo dapa hidop kekal. Dia so nyanda mo dapa hukuman tapisa deng Tuhan Allah for slama-lamanya, mar dia so talapas dari hukuman itu kong so dapa hidop kekal.

Yesus lia tu orang itu da batidor di situ, deng lei Dia tau kalu tu orang itu so lama saki bagitu. So itu Dia bilang pa tu orang itu, “Ngana suka mo bae?”

Ngoni ini da teliti bae-bae tu Kitab Suci lantaran ngoni pikir deng cara bagitu ngoni mo dapa hidop kekal. Padahal di Kitab Suci itu lei Tuhan Allah da basaksi tentang Kita. Mar biar lei bagitu, ngoni nimau datang pa Kita for dapa tu hidop kekal.

Yesus bilang pa dia, “Badiri jo, angka ngana pe tikar kong bajalang.” Waktu itu jo, tu orang itu iko bae kong dia angka de pe tikar trus bajalang. Tu kejadian pas hari Sabat, tu hari orang agama Yahudi nimbole bakarja.

Kong Yesus bilang pa dorang, “Kita bilang pa ngoni: Kita tu Anak Allah, Kita nyanda ada kuasa mo beking apa-apa iko Kita pe mau sandiri kalu Kita nyanda lia apa tu Bapa da beking. Soalnya apa tu Bapa da beking, itu lei no yang Kita da beking.