Popular Bible Verses from Matius 26

Share

Tuméga-tégam wo mengaléila wo kamu zéi'kan ikakiit witu um pema'wa'en. Ulit i si roh ém paaz i mangun a lé'os, taan in tou uman, ni kamu én zéi'kan makawawa.”

A Sia kumuala wia ni séra, “Un até-Ku én totoz rumara, tanumokan i matémo. Mento'mola wia'i wo tumégamla karia-Ku.”

A Sia lumampanga oki', kumuruzla karia in timuktuk a mengaléi, “O Ama'-Ku, sa tanu an toro, izou-zou' im wia ni Aku an zézéha kenu, taan ikiitola um paaz ni Ama', zéi'kan mengiit um paaz-Ku.”

Pahpaan ung kenumo un zaha'-Ku, un zaha' nimenté' um pinataazan ni Opo Empung, un isaroi wia sé tou lakez i méhé un ampungan wana a singkéla' néra.

Karegas séra i mahkan, si Yesus méndomé u roti ang kumuama u makasé wia si Opo Empung, pemété-météngen-Nala u roti itii an ipahwéhé-Nama wia sé pahtuzu'en-Na ang kumua, “Éndonoma, kanenola, ung kenumo un awak-Ku.”

Tumondong niitu, a Sia méndomé um pengengelepan un tinahu'an anggor, kumuama u makasé wia si Opo Empung, an iwéhé-Nala wia ni séra ang kumua, “Ni kamu péléng é melepola witu um pengengelepan kenu.

Kumawusa niitu, a Sia mawurimé wia sé pahtuzu'en-Na itii, maileken-Na ni séra é nimatekelo. Ang kuan-Na wia si Petrus, “Zéi'kan makawawa kamu wé in tumégamla karia-Ku zozo' i sana jam uman?

Taan, ikua-Kuma wia ni kamu, ni Aku én zéi'mo mahele-elepla un anggor kenu, makaz witu un endo ni Aku i melep un anggor weru karia niou witi Kakolanoan ni Ama'-Ku.”

Ang kagenangala ni Petrus u méikua ni Yesus wia ni sia, “Puunala si laka' ing kumukuké, ni ko é nimakatelumola ing kimélong ni Aku.” A sia mondola a mamamé' karia in totoz rumara un até.

Rumendaiomé! Méyémo kita mangémo. Si tou si mayo ni Aku é merétémomé!”

Ang kuan ni Yesus wia si tou itii, “Iuma'la sumaup um pisoumu itii, pahpaan péléng sé tou mahpaké um pisou i munu' tou, ni sia kangkasii é maté karia um pisou.