Popular Bible Verses from Kisah Rasul-rasul 4

Share

Akaz uman si Yesus si toro milot sé tou im witu un ukuman wana a singkéla', zéi'kan siapa ngaran walina. Pahpaan im wia ung kaayahan kenu, zéi'kan siapa ngaran walina si winéhan ni Opo Empung ung kawasa i milot sé tou im witu un ukuman wana a singkéla' néra.”

Karegas i mengaléi, un tampa kinaréwokan néra é mahogémo. Ni séra péléng éng kinawasamo ni Roh Lenas, a séra mahwoka' u Nuwu' ni Opo Empung karia in zéi'kan siapa un ikaindé'.

Wo in tarékan o Opo Empung, ilekené am pahmualin néra i ma'indé' ni kai sé ata-Mu wo wangunené ni kai in zéi'kan maindé' i mahwoka' u Nuwu'-Mu.

Si Yesus itii é, ‘Um watu mémoitia' né memamangun am walé taan ni Sia é nimaéndomola watu to'tolan.’

Sé tou méikauntep witu u Mahkama Agama é mengusi-ngusingsing i nimilekla si Petrus wo si Yohanes zéi'kan maindé' i mahwingkoté wo ni séra kasii é mata'u i ni séra zua én tou kanaramen wo zéi'kan simikola. Kinata'uan néra kasiila i ni séra zua é mahkii-kiit si Yesus.

Péléng sé tou ma'éman én esa genang wo nimaesaan, wo zéi'kan siapa zozo' in esa si mahkua im péléng an anuna én anuna in esa, taan péléng an anuna én anu néra péléng.