Popular Bible Verses from Yohanes 21

Share

Makasokol ako, wuéien i Yesus a si Simon Petrus, “Simon, toyaang i Yohanes, icaupusmu réén Aku lumébé mai wo iséra anio'?” Isowat i Petrus, “Wutul é Tuang, kailekan-Mu sapaoka aku mengaupus Ico.” Icua i Yesus ai sia, “Paliarano mio' sé domba-Ku.” Wuéien ka'i i Yesus ing karua a si Petrus, “Simon, toyaang i Yohanes, icaupusmu réén Aku?” Isowat i Petrus, “Wutul é Tuang, kailekan-Mu sapaoka aku mengaupus Ico.” Icua ka'i Yesus ai sia, “Paliarano mio' sé domba-Ku.” Wuéien ka'i i Yesus ing katelu a si Petrus, “Simon, toyaang i Yohanes, icaupusmu réén Aku?” Wo en até i Petrus mawendu, ampa'paan akar i makatelu si Yesus mamuéi ai sia, “Icaupusmu réén Aku?” Wo isowatna a si Yesus, “Tuang, em baya-waya kailekan-Mu, kailekan-Mu sapaoka aku mengaupus Ico.” Icua ka'i i Yesus a si Petrus, “Paliarano mio' sé domba-Ku.

En ulitna icua-Ku mangé ai co, an tutuw ko wo'basé', ico in esa mengawa'kes im pinggangmu wo ico mawaya' am bisake' si casalé'mu. Taan sa ko matu'ao, wéému oka eng kamamu wa'kesen é tou walina wo iwali éra oka an tampa si ra'ica icasalé'mu.”

Wo icua i Yesus ai séra, “Ilomboo mio' en lolombo' miow ang kakan in londéi anio', kamu makéré oka sera'.” Wo ilombo' éra en lolombo' itu, wo ra'io kawéso'an éra en lolombo' itu ampa'paan kelian en sera' an untepna.

Icua i Simon Petrus ai séra, “Icasalé'ku maangé en tumangka' sera'.” Icua éra ai sia, “Icami ka'i masalé' maangé wo ico.” Wo séra mangé, sumaké an londéi, taan asi wengi itu ra'ica wana sera' eng kinatangkaan éra.