Popular Bible Verses from Yohanes 10

Share

Si rombit maai asaloke' i rumombit, wo mengapaté wo en luméwo'. Taan Aku mai wosama' séra makéré ing katouan si wuta ing kamang.

Yakuo si gembala sama'. Si gembala sama' sumarakan in owakna en lumowir sé dombana.

En suara-Ku pengalingan é domba-Ku. Katuusan-Ku séra wo séra kumiit Yaku.

Wo iwéé-Ku ai séra eng katouan akar ing kauré-uré, wo séra ra'ica iwaya-Ku maté akar ing kauré-uré. Wo ra'ica ka'i wana esaan tou e ro'na mandét iséra ang kama-Ku.

Yakuo em papalen itu. Si séike' e muntep lumangkoi a Yaku, sia lowiren oka. Sia muntep oka wo kumesot, wo meta'up oka in tana' rerukutan.

Yakuo si gembala sama'. Katuusan-Ku sé domba-Ku, wo sé domba-Ku ka'i makatuus Yaku

Séra aiwééo mai i Amang-Ku a Yaku. Si Amang-Ku lébé' wangko' mai asé im pakasa, wo ra'ica ka'i wana esaan tou e ro'na mandét iséra ang kama i Amang-Ku. Yaku wo si Amang-Ku esa.”

meputé si Amang makatuus Yaku wo ka'i si Amang katuusan-Ku. Wo isarakan-Ku en owak-Ku a sé domba-Ku.

Ra'ica ka'i wana esaan tou e ro'na maté Yaku, taan kasalé'an-Ku in esa en sumarakan in owak-Ku. Ampa'paan Aku awéan kawasa e méé in owak-Ku im patén, wo Yaku ka'i awéan kawasa en tumou sumawel in owak-Ku. Si Casuruan Amang-Ku e rumu'du'o Yaku méma' in itu.”

Ampa'paan in itu icua ka'i i Yesus, “En ulitna icua-Ku mangé ai camu, Yakuo em papalen é domba itu.

Awéan tou pengawéran en tuméir sé domba taan sia ra'ica gembala, wo ka'i ra'ica makaanu domba. An tutuw séréna awéan serigala maai, itela'una sé domba itu wo sia tumincas, akar awéan domba sé kinarét i serigala wo sé walina tumincas akar icasera-serar.

Si Yesus maroma' mengapaké in andéan, “En ulitna icua-Ku mangé ai camu, si séike' si muntep am pakurungan é domba, wo ra'ica icumiit im papalen taan asaloke' ilumaput am pager, sia itu rombit wo tou mengarampok.