Popular Bible Verses from MAELE 16

Share

Bea mesebetsi ya hao atleng tsa Morena, mme merero ya hao e tla phethahala.

Motho o itherela tsela ya hae, empa ke Morena ya mo tataisang.

Polelo tse monate di ka mahe a dinotshi, moyeng di a hlabosa, di matlafatse mmele.

Pelo ya motho e rera merero, tseo a di buang di laolwa ke Morena.

Ya nang le mamello o molemo ho feta ya dikgoka, ya itshwarang ha a halefile o feta ya hapang motse.

Boikakaso bo etella timelo pele, boikgohomoso bo etelle ho wa, pele.

Ketso tsa motho di tadimeha di lokile ho yena, empa Morena o lekola sepheo sa hae.

Ya elang ditaelo hloko o a atleha, ya tshepang Morena o a hlohonolofala.

Sejosenyane se molemo ha se fumanwe ka toka, ho ena le maruo a fumanwang ka bolotsana.

Tsela e teng e bonahalang e lokile ho monga yona, empa e qetella ka ho isa lefung.

Motho ya kgopo o duka kgotso, mosebi yena o qabanya metswalle, metswalle ya hlooho ya kgomo.