Popular Bible Verses from MORUTI 1

Share

Bohlale bo bongata bo tlisa mahlomola a mangata, ya eketsang tsebo o ikekeletsa maswabi.

Se bileng teng se tla ba teng hape, se kileng sa etswa se tla etswa hape; ha ho letho le letjha mona lefatsheng.

Dintho tsohle di tena motho, di tena ho feta polelo ya motho; leihlo la motho ha le tenehe ke ho bona, tsebe ha e tlale tseo e di utlwang.

“Lefeela la mafeela,” ho rialo Moruti; “lefeela la mafeela, tsohle ke lefeela!” Motho o boellwa keng mosebetsing wohle wa hae, oo a o sebetsang ka thata lefatsheng?

Ke bone mesebetsi yohle e etswang mona lefatsheng, empa kaofela ha yona ke mafeela a tshwanang le ho lelekisa moya.

Moloko o a hlaha, moloko o a feta, fatshe lona le hlola kamehla yohle.

Baholoholo ba kgale ha ba sa hopolwa; esita le bao e leng hona ba tla tla, bahlahlami ba bona ba ke ke ba ba hopola!

Ka ikemisetsa ho ithuta hore ke utlwisise bohlale le bohlanya le bothoto, empa ka elellwa hore le hona e ntse le ho lelekisa moya feela.