Popular Bible Verses from Luka 7

Share

Əja yo nar ngha, a fartə nji bikər mala ngə 'ual nga, nacha gwa'atə cha char nyida 'ualəu. Kəl ja, ndə nda nja farbikə nyi kushiu, kush tanyi nyida nyi.” Ngə cha nar nyi nə mala nda, “A fartə nji bikə ngha.”

Ngə Yesu nar nyi nə mala nda, “Jirikur nghə dləuya nghə ti, ma'i na piyarɗufəu.”

Cha shili ga uzhi tanyi ləhə dza hya Yesu cho tiwi. Nda sələm nyi tə ghəya na pə səya tə hya Yesu, təma cha kəkəɗənda ana shishir kəra cha, ga ghəya gaɓə hya Yesu, ngə cha ɓəsəya nyi mal nda kwa shi'uni kwitkwitə nda.

Nacha nga gwa'atə ya la'a a naya nji ka ya shili dakə wa. Ɓwanya tangha, mava ɗo mbəa. Aka naya ma'a a tə kiɗa gyalkur vanyi ndə ya, ya tsəu, ləvaləva da tə kiɗa ya i. Ya kwa nar nyi nə nənna, ‘Ma'i,’ ya cho ma'i, ya kwa nar nyi nə nanda nda, ‘Shili,’ ya cho shili. Ətsəu, ya kwa nar nyi nə mava ɗa, ‘Ɗa əna,’ ya cho məra.” Nda Yesu tə ngatə ənga, cha mər məngəl, ngə cha sha ga nar nyi nə dlama nji'inda kwa nəu nyi nda, “Yo nar hi, mada vu Isra'ila, a da ya ta uya ndə nda na jirikur 'ual wi nə ndə nə wa!”

Aku bəji nda, Yesu tə mbandə njir shiləkə inda sa ɓwaɓwatə ɗanghəu, ana cha gədləbiya məlləm ku kəra nji, ana cha mbəɗiya lya njir wuləfəu. Ngə Yesu tə wum nə nda, “Ɓəl ma, hya yi nar nyi nə Yohana sənda hya ngatə ana sənda hya la'a, ənda njir wuləfəu kwa la'a səu, njir gadal kwa ma'i, njir bibi kwa uya mbəa, nji'inda hima nda dadanyi, kwa ngatə səu, njo hya'andə nji'inda kuɗa, ana tsəu njo dəkə Mafakə Mənakə nə nji ɗaliɗali.