Luka 7:7-9

Nacha nga gwa'atə ya la'a a naya nji ka ya shili dakə wa. Ɓwanya tangha, mava ɗo mbəa. Aka naya ma'a a tə kiɗa gyalkur vanyi ndə ya, ya tsəu, ləvaləva da tə kiɗa ya i. Ya kwa nar nyi nə nənna, ‘Ma'i,’ ya cho ma'i, ya kwa nar nyi nə nanda nda, ‘Shili,’ ya cho shili. Ətsəu, ya kwa nar nyi nə mava ɗa, ‘Ɗa əna,’ ya cho məra.” Nda Yesu tə ngatə ənga, cha mər məngəl, ngə cha sha ga nar nyi nə dlama nji'inda kwa nəu nyi nda, “Yo nar hi, mada vu Isra'ila, a da ya ta uya ndə nda na jirikur 'ual wi nə ndə nə wa!”