Popular Bible Verses from Luka 4

Share

“Shanguɗə nə Tlakə təkəra ya, aka cha tabiya ɗa ka ga ya shili na Mafakə Mənakə nə njir ɗali. Cha sə ɗa ya bəzə ənda nja kwa dəliya nji'inda ku jarum, nji'inda wuləfəu kwa ghəya na la'a səu, nja kwa pələya nji'inda kwa mər mavakur. Ana ya bəzəya ənda bəji ɗatə nda Tlakə kwa dləuya nənyi na nji.”

Ngə Yesu tə ɓəlakə nyi, “Tsəftsəfənyi, ka həsəli nə Hyel Tlakə ngha, kəl a nənyi tanyi ko mər mavakur.”

Yesu tə wuma, “Tsəftsəfənyi ku likatəkata, a ndə do ngya ka gwazhilakə tanyi wa.”

Yesu, nyinyinyi na shanguɗə Karti, cha hya'ati hi Urdun. Ngə Shanguɗə Karti tə nəu nacha gwa takəu

Ngə Yesu tə ɓəlakə nyi, “Tsəftsəfənyi, əngwa ka da dzə Hyel Tlakə nghə wa.”

Ahir sərtakə tə wur na dzə Yesu, ngə cha ngya nyi kəl vanya bəji.

Ngə sərtakə nda nəu na cha gyati mə dzəgaməu, ga char nyi təlkur dunəya dəhəu aku bəji kushiu, cha nar nyi, “Yo nənghə dəhə gyalkur kənda ana səli kənda, aka a na'a nji na'a əngə tsəu yo nau nə nyi nə ndə nda yo i. Yo nə ngha, maka uzhi ga hətə ɗa səli.” Ngə Yesu tə ɓəlakə nyi, “Tsəftsəfənyi, ka həsəli nə Hyel Tlakə ngha, kəl a nənyi tanyi ko mər mavakur.”

Ngə sərtakə tə təra na Yesu gwa Urshalima, ga ta'ində nyi kyatə mbwa dzəgam nə Mbwa'alə Hyel, ngə cha nar nyi, “Macha Zər Hyel ka, fəl səya hu'i. Aka tsəfətsəfə nyi cha ənda, ‘Cho nar nyi nə Chama nyi nda ɓəlatə nghə mənakəu. Nda kwa tsautə nghə ku cha nda, tsa kə da ba'a dəgəya hya kə tə hangu.’ ” Ngə Yesu tə ɓəlakə nyi, “Tsəftsəfənyi, əngwa ka da dzə Hyel Tlakə nghə wa.”