Popular Bible Verses from ɛMacu 26

Share

Shɛɛ ɛn seme, te ˆɛ roo ɛn, ˆaa yung ho ɛn itɛrɛk ga. iKabyik mon de i sim, ibek mon de phɛ ne so kyɔkyɔt.”

ɛYɛso gha ne yaak nibhɛ, “iRway ishwii da ne ifɛ some wo i mɔn te ifɛ yaa phoo me. Shɛɛ ɛn ɛbɛ ɛ shɛɛ ɛn ɛkanang nga ne mee.”

ɛYɛso gha kɛ shompeey gyigyɔɔ, ɛ ho ne ivel, ɛyisɛ ɛbhɛ ne so ne ivel da, ne ɛ roo ɛ yɔngɔ, “ɛKyɛɛ nge, sɛɛ yɔng ˆaa sim ˆɛ sɛɛ ne ba me ɛhyihyangas nggbang ngɛdaa wo, gbik ne iphɛ ɛlɛy, sɔng nzi ne bo wu te ɛ roos idee nge nang, idee mo ne yaa roos.”

Neyi nge naa wo ne kɛ lok tɛ nibhɛ yaa shwaak ìtsɛm ihywas daa ninyi na gbom.

Kɛ ne sɛ nibhɛ so ne re ire de, ɛYɛso gha ne bo ibɛrɛdi de ɛ tɔɔrek ɛTaanggbey ye irway ihwala, ne ɛ ji kpɛl, ɛ nang ninɔn ne icwam ɛbhɛ na, ɛ yɔngɔ, “Ngga ɛn ɛ re ɛn, ibek ngedee wo.”

ɛYɛso gha ne ta bo ɛhyihyangas ne inɛn ɛnap ba, ɛ tɔɔrek ɛTaanggbey ye irway ihwala ɛ nang ninɔn ne icwam ɛbhɛ na ɛ yɔngɔ, “Sɔ ɛn gbik mon.

ɛYɛso gha ne kyii ɛ yɛɛs ɛlɔ ninɔn ne icwam ɛbhɛ na, ne ɛ sɛ nibhɛ so inwa. ɛYɛso gha ne yaak ɛBiturus segha, “iKyee iphɛ kɛ te aa sang yɛɛ ne shɛɛ ɛn semey ne me wo iphɛ hɔn ɛwa ɛdaan naa?

Nzi tɔng nyini, sɔng naa tang sɔ inɛn ɛnap ba dɔng nang, kang ne ɛtuk ka ne nzɛ sɛ sɔ mpas sɛ ne nyinɛn no ne igbɔm ɛKyɛɛ nge da.”

ɛBiturus sa ne ji shii taate ne ibol de ne ɛYɛso gha kɛ mɔng ɛbhɛ, ɛ yɔngɔ, “Aa bhɛ re ishamas wu hang ɛ yɛɛ mo wo ɛtat nyɛɛn, ɛrom kyii tɛpeey.” ɛBiturus sa ne wuru ne izay ɛbhɛ san gbom.

Yili ɛn tsik te njwɛɛn hyel, yaang ɛn ɛNyi gha ne ɛ kɛ rɛp me wo kɛ tuu.”

ɛYɛso gha ne yaak ɛbhɛ, “Sɔɔl ihywa mo de nɛ ne ifaran nɛ, ɛnyi gha ne ɛ lɛng irywen da ne ihywa de, ihywa de ne sɛ phoo ɛbhɛ nɛ.