Popular Bible Verses from ɛMacu 19

Share

ɛYɛso gha ne yɛɛn nibhɛ ne ɛ yaak nibhɛ, “Wu kɛ wɛɛ ne ɛten ɛsii sɔng ɛnyi sɛɛ ne yɛɛ nɛ nang, wu kɛ ne wɛɛ ɛn ɛTaanggbey yaa ne yɛɛ nɛ gbik.”

Sɔng nibhɛ yaa ne ta tɔye ninyi ifaa nang, nibhɛ yaa teye ibek idaan. iPhɛ ɛlɛy, ɛkɔn na ne ɛTaanggbey ya kɛ byinki wo, sɔng ɛnyi ne hobhose nang.”

ɛYɛso gha ne kyii nɛ, ɛ yɔngɔ, “Ɛ kɛ shɛɛ tang ku tɔng ɛn ndɔ ne ɛWee ne iBol ɛTaanggbey yo ne kɛ haa i bo, wu ɛLi ne tum ɛzay ya, ɛhaa ne ryɔng ɛzay ya kaa ku tsa ɛ ryɔng ɛras sa ne ɛkuk ka naa? iPhɛ ɛlɛy, ɛkɔn nɛghaa wo kɛ te ɛnyi gha i tek ɛkyɛɛ ne ɛgyinɛ nibhɛ byinkit ne ɛkuk ɛbhɛ gha, nibhɛ teye ibek idaan.

ɛYɛso gha ne yɔngɔ, “Tek ɛn ninɔn na nibhɛ yɛɛs ɛlɔ nge gha, sɔng ɛ ring ɛn nibhɛ nɛ wo nang, daa ɛli ne igbɔm ɛdaa ne irywa da so ivaa ne ihywee nibhɛ.”

Ninyi na gbom nɛ nibhɛ soye ninaa ɛyisɛ na sɛ ne teye ninaa ɛstim mɛ, ninaa ɛtsim ma ne ji teye ninaa ɛyisɛ yɛ.

Gbik ɛnyi gha ne ɛ kɛ ne tek idee, nɛ nigwaa niras sɛ nɛ nikuk kɛ, ne ɛkyɛɛ ne ɛgyinɛ, nɛ ninɔn, ne ihap ɛlɔ me wo, ɛ sɛ ne bhɛ say nikɔn nɛnaa wo i kyii tiil ɛbhɛ nɛ ikɔl idaan, ne ji ta nang ɛbhɛ iken ne inat.

ɛYɛso gha ne kyii nɛ ɛ yaak ɛbhɛ, “Wu ˆɛ sim te aa ji ku te hyɔrɔ wo, cwi ɛbhɛ lɛbhɛl nikɔn mo na gbik ˆɛ naas nihala ijam mɛ, aa ne sɛ iryat ɛdaa ne irywa de, te nɛ yɛɛs ˆɛ roos me.”

ɛYɛso gha ne yaak ɛbhɛ, “iKyee phɛ kɛ te ɛ phomos me daa ɛkɔn ɛyɛnɛng ngaa? ɛNyi ɛdaan zɔng ɛbhɛ so ɛyɛnɛng nga. Wu ˆɛ sim ˆɛ sɛ bhɛ lel ne iken ne inat de ne ˆɛ roos ikpii da.”

Nzi ne kyii ta tɔng nyini, iphɛ so phyonka ɛlangkumɛ lel ne ibong ɛluula ne ɛhaa ne iryat ta yaa bhɛ lel dak ne igbɔm ɛTaanggbey da.”

Nzi tɔng nyini, gbik ɛnyi gha ne ɛ kɛ hosobhe ne ɛkuk ɛbhɛ gha, kang daa ne ibol ne nzangas, ɛ kyii ta tul ɛhak ɛkuk, ɛɛ ne ra nzangas ne ɛkuk ka ne ɛ kɛ tul lo.”

ɛYɛso gha ne yaak ninɔn ne icwam ɛbhɛ na, “Nzi tɔng nyini itin nɛ, iphɛ bok nggbang ɛhaa ne iryat ta bhɛ lel dak ne igbɔm ɛdaa ne irywa da.