Popular Bible Verses from ɛMacu 18

Share

ɛLɔ gha nɛ ninyi ifaa, hang itwat yɔɔ kɛ sɛme nɛ ndɔ ne irywɛɛk nge wo, ne n sonɛ ndɔ nibhɛ.”

“Nzi ne ta bok nyini, wu ninyi ifaa ndɔ ɛzay ya kɛ sim me nɛ daa ɛdɛ ɛkɔn na nɛ nibhɛ roro, ɛKyɛɛ nge gha ne ɛ so daa ne irywa wo, aa ne mɔn nibhɛ ɛkɔn nɛ.

ɛYɛso gha ne yel-le ɛngɔn ɛshɛɛrɛng, ne ɛ yɛk ɛbhɛ nɛ ɛ kyinak ɛnu ɛyisɛ nibhɛ, ne ɛ ji yɔngɔ, “Nzi tɔng nyini itin nɛ, wu ɛ kɛ sang hyere nyini ɛ te ɛn tɛ ninɔn nishɛɛrɛng, sɔng ɛ sɛ ne bhɛ lel ɛn ne iGbɔm ɛdaa ne irywa ba nang.

ɛHiha ɛnyi ne ɛ kɛ laasek ito ɛbhɛ te ɛngɔn nɛghaa bɛ, ɛbhɛ ne ɛ phyin ne igbom be ne igbɔm ɛdaa ne irywa da.

“ɛHiha ɛnyi gha ne ɛ kɛ ne say ɛngɔn ɛshɛɛrɛng nga tɛ ɛsaa bɛ gha lenɛ ne irywɛɛk nge wo, mee nɛ kɛ ne say me.”

Nzi tɔng nyini itin nɛ, gbik ɛkɔn na ne ɛ kɛ rop ɛn ndɔ ɛzay ya kɛ ne ma rop ɛbhɛ daa ne irywa wo, ɛkɔn na ɛ kɛ ne biri ɛn ndɔ ɛzay ya, kɛ ne ma biri daa ne irywa wo.

Ɛlɛy, ne ɛKyɛɛ nge gha ne ɛ so daa ne irywa wo yaa ne mɔn gbik ɛnyi gha ne ɛ kɛ mbaray tang hana ɛgwaa ɛbhɛ gha nɛ ndɔ ɛkyikyum ne irway ɛbhɛ gha.”

“ɛHiha ɛnyi ne ɛ kɛ ne te ɛdɛ ɛngɔn ɛshɛɛrɛng ngɛgha wo nɛ ɛ kɛ nang ne itin nɛ ne mee wo ɛ mɔn ɛfɔt, iphɛ sɛ ma yung so ɛbhɛ phyongka i bo ɛgbaang ne ikɛɛ ne hɔng nkpana i rop ɛbhɛ nɛ ne ntsuuntsɔ, i cwaak ɛbhɛ ndɔ ɛta ɛling.”

“Ɛ yaang ɛn ɛli? ɛNyi gha sɛɛ bok ᐩigyol ntsabhak ikɔl idaan, ìzɛng ne ji birit, ikyee ne aa mɔn ne? Nzi bo aa tek ihywɛ nzuwubɔ ɛnduwujɛng ne ihywɛ ɛnduwujɛng ngge ɛlɔ ne re ihway yo, ɛbhɛ tɔk izee ne ihywɛ kɛ biri to.