Popular Bible Verses from ɛTomɛ 3

Share

iPhɛ ɛlɛy yang, ne ɛ san ɛn ɛbɔk te ɛ kyii ɛn ɛlɔ ɛTaanggbey ya te ɛ kuus nyini ɛfɔt mon no.

ɛBiturus sa ne yaak ɛbhɛ, “Sɔng n bok ijam, ne ɛzurufa, ne izinariya nang, gbik ne iphɛ ɛlɛy, naa ne nang ngɛ ɛkɔn na ne n bok. Ndɔ ne irywɛɛk ɛYɛso ɛKiriti ne iNazarat, nzi bok kɛ yilitsik te ɛ hyel.”

ɛBiturus sa ne wum ɛbhɛ iwɔ ne irwye ɛ yiisik ɛbhɛ tsik, ita ɛnyi de ne irwisɛ ne ita yɛ ne shii tes gɛgɛy ɛ te ɛken. Ɛnyi gha ne taay hɔbhɔk ɛ kyinak tsik, ɛ yaa hyel, ɛ roos ɛBiturus segha ne ɛYohana gha nibhɛ bhɛ lel ndɔ ɛsaa ne iDeng nga, ndɔ nggyɛ wo ne ɛ ji hyel ɛ taasey ɛ dɛp ɛTaanggbey ye.

Nang ne itin ne irywɛɛk ɛYɛso iphɛ kɛ te ɛnyi yɛghaa wo ne ɛ yɛɛn ɛn ɛbhɛ ɛ ta yaang ɛn no kɛ yɛk ihwet da. Kɛ lenɛ ne ìnang ne itin ndɔ ne irywɛɛk ɛYɛso ɛnyi yɛghaa kɛ te ɛken na gbik ko. Gbik mon no ɛ yaang ɛn.”