Popular Bible Verses from EVASELIO A MATEO 9

Share

Nee ui leva e Sesu ki ana tisipulo: E lahi te taukai kae toko sii te kau gaue. Koutou kole ki te pule o te taukai ke fekaui ni kau gaue ki tana taukai.

Kotou olo, pea kotou ako te uhiga o te mea aeni: E mau toku fiafia i te manavaofa, kae mole i ni sakilifisio. Koteuhi nee mole au hau o paui ni tagata agatonu, kae ni tagata agahala.

I tana sio ki te hahai, nee ofa leva ia ia kia natou, koteuhi ko he hahai fakaofaofa mo ogosia o hage ko ni ovi ae e hala tauhi ovi.

I te logo a Sesu kia natou, nee ina ui leva kia natou: E mole ko natou ae e malolo e aoga ki ai te toketa, kae ko te kau mahaki.

Nee fealuaki leva ia Sesu i te u kolo lalahi fuli mo te u kolo liliki, o akonaki i te u sinakoka, mo fakaha te logo lelei o te puleaga, pea mo fakamauli te u mahaki fuli pea mo te u maimoa fuli.