Popular Bible Verses from Senesi 50

Share

Na kotou loto ke fai se nea veli kiate au, kae na fulusi a ia e le Atua ko se nea malie, o tupu ke fakasoko le nea leia kua soko i le aso nei, ke saofaki ai le mauli o se kakai toka api.

Ti na pati loa Sosefo kia latou : Aua na kotou tuania. E leaise ko au leia e tonu ke nofo i le tuulaga o le Atua !

Koia ke aua na kotou tuania ia fua se nea ; e kau tausi loa koutou, mo okoutou famili. Ti na fakafimalie loa e ia latou i lana masau ki olatou loto.

E kotou masau loa kia Sosefo, o pati : Ei lomatou taina, fakamolemole mai ki le agaveli o ou fetaina, ki le agasala lasi leia na motou fai kiate koe ! Fakamolemole i le aso nei ki le agasala o tagata fakasausau a le Atua o lou tamana ! Na tagi loa Sosefo i lana logo ki masau ana.

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Ti na pati loa Sosefo ki fanau a Iselaele : Kotou fakapapau mai kiate au, e kotou ave loa oku ivi ke mamao i leinei, i le aso leia e fakatele ai loa le Atua kia koutou.

Na mate loa Sosefo i lona fetuu kau lelau kau agafulu. Na fakatologa loa lona tino, ti na tuku loa a ia ki se pusa i Esipito.