Popular Bible Verses from Mak 16

Share

Na akee ɔzele bɛ kɛ, “Bɛhɔ ewiade ahodoka muala anu na bɛhɔbɔ Edwɛkpa ne nolo bɛhile aleɛabo amra kɔsɔɔti.

Bɛdabɛ mɔɔ bɛkɛlie bɛkɛli la, bɛbamaa bɛ tumi bɛamaa bɛayɛ nwanwane gyima mgbole: bɛbalua me duma nu bɛadudu mbɔnsam; bɛbahola bɛaha aneɛ ngakyile; saa bɛsɔ nwɔlɛ nu anzɛɛ bɛno pɔezen a, debie biala ɛnrɛyɛ bɛ. Bɛbava bɛ sa bɛagua wuleravolɛma anwo zo, na bɛ nwo baza.”

Awie biala mɔɔ kɛlie kɛli na bɛkɛzɔne ye la kɛnyia ngoane; na mɔɔ anlie anli la, bɛkɛbu ye ewule fɔlɛ.

Ɛdoavolɛma ne ziale hɔle na bɛhɔbɔle Edwɛkpa ne nolo wɔ ɛleka biala, na Awulae boale bɛ na ɔmanle bɛ sa anloa gyima hilele kɛ bɛ nolobɔlɛ ne le nɔhalɛ.]

Na kpavolɛ ne zele bɛ kɛ, “Bɛmmamaa bɛ ahonle tu, meze kɛ bɛkpondɛ Gyisɛse mɔɔ vi Nazalɛte, mɔɔ bɛbɔle ye meanubaka nu la. Ɔnle ɛke, Nyamenle ɛdwazo ye! Bɛnlea, ɛke a bɛdole ye a.

Mɔɔ bɛlua adenle zo la, ɛnee bɛ edwɛkɛ a le kɛ, “Na nwane bɔbɔ a kɛhundo bolɛ ne mɔɔ nyi nla ne anloa la kɛmaa yɛ a?” (Bolɛ ne le kpole kpalɛ.) Na bɛmanle bɛ nye zo la bɛnwunle kɛ bɛhundo bolɛ ne dɛbadɛba. Bɛwolole nla ne anu na bɛnwunle kɛ kpavolɛ bie wula tɛladeɛ fufule de fema zo ɛkɛ ne, na bɛ ahonle dule.