Popular Bible Verses from Luk 19

Share

Ɛhye ala ati yɛɛ medame Sonla Ra membale a. Membale kɛ mebakpondɛ bɛdabɛ mɔɔ bɛminli la na mealie bɛ ngoane.”

na bɛzele kɛ, “Nyamenle ɛyila belemgbunli ne mɔɔ lua Awulae duma nu ɛlɛba la! Anzonudwolɛ wɔ anwuma na anyunlunyia ɛha Nyamenle!”

Gyisɛse zele ye kɛ, “Ɛnɛ kenle ye, bɛlie wɔ ngoane, ɛdawɔ noko ɛle Ebileham anlɔnra.

Gyisɛse dwule ɛkɛ ne la, ɔdole ɔ nye anwuma na ɔzele Zakeɛse kɛ, “Zakeɛse, ka ɛ nwo dwu aze, na ɛnɛ mebazokoɛ wɔ.” Ndɛndɛ ne ala Zakeɛse dwule aze na ɔvale fɛlɛkolilɛ kpole ɔliele Gyisɛse.

Na Zakeɛse dwazole na ɔhanle ɔhilele Awulae kɛ, “Awulae, mebabu me ninyɛne mɔɔ melɛ la anu nwiɔ na meava ko meamaa ehyianvolɛma, na saa meli awie ndunlumi a, mebadua ye kakɛ mɔnwo nna.”

Falasiima mɔɔ wɔ menli ne anu la bie mɔ zele Gyisɛse kɛ, “Kilehilevolɛ, maa wɔ ɛdoavolɛma ne ɛmua bɛ nloa!” Gyisɛse buale kɛ, “Meka meahile bɛ, saa bɛmua bɛ nloa bɔbɔ a, awolɛ bɔbɔ kɛdeɛdea nuhua.”