Popular Bible Verses from Luka 6

Share

Ɛ́mɔfa bɛ́ma, na bɛkɔfa bɛkɔma ɛmɔ; asusudeɛ paa bɔ bamiamia so, bɔ bawoso ye, bɔ wayi wabo so ɔ yeɛ bekohwie bekogua ɛmɔ tena nu ɔ. Ofikyɛ asusudeɛ bɔ ɛmɔfa besusu ne, sɔ asusudeɛ ne ala yeɛ bɛkɔfa bekosusu bɛkɔma ɛmɔ ɔ.”

Sona paa fi nningyein paa bɔ waboaboa ye noa wɔ ye ahone nu ɔ nu yeɛ ɔda nningyein paa ali ɔ; yeɛ sona bɔnefoɛ fi bɔne nningyein bɔ waboaboa ye noa wɔ ye ahone nu ɔ nu yeɛ ɔda bɔne nningyein ali ɔ; ofikyɛ bɔ wayi ahone nu maa wabu wafa so ne yeɛ ofite ye noa ɔ.

Yiti ɛ́mɔhuro ɛmɔ pɔfoɛ mɔ dwirɛ, ná ɛmɔyɛ paa, ɛ́mɔfa bɛ́fɛmo bɔ ɛmɔ nye ngoli ye si kyɛ ɛmɔkosa bekole ɔ; na ɛmɔkonya akatuaa piri, ná ɛmɔayɛ Anwuro Anwuroniɛ ne mma; ofikyɛ ye de, ɔte paa ma boniayɛfoɛ ne bɔnefoɛ.

Yiti ɛ́mɔnwu anwumvoin, kyɛbɔ ɛmɔ Baba koso onwu anwumvoin ne.

“Nnɛma ɛmɔbua ndɛen, ná bammua ɛmɔ ndɛen; nnɛma ɛmɔbua foɛ, ná bammua ɛmɔ foɛ; ɛ́mɔfa (bɔne) bɛhyɛ, na bɛkɔfa bɛkɔhyɛ ɛmɔ.

“Na mekã mekyire ɛmɔ bɔ ɛmɔtie ne kyɛ: Ɛ́mɔhuro ɛmɔ pɔfoɛ mɔ dwirɛ, ná ɛmɔyɛ bɛ bɔ bekyi ɛmɔ ne paa. Ɛ́mɔyira bɛ bɔ bɛnoma ɛmɔ ɔ, ná ɛ́mɔbɔ mbaeɛ bɛ́ma bɛ bɔ bɛteetee ɛmɔ ɔ.

Na bɔ ɛmɔkuro kyɛ mmenia bɛfa bɛyɛ ɛmɔ ne, sɔ ala yeɛ ɛ́mɔyɛ bɛ ɔ.

Sɛ ebie pakye wɔ nye so a, kakyi bue dɔ ne koso ma ye. Sɛ ebie de w’ataadeɛ aguasoɛ a, nnɛyakyi kyɛ ɛkɔfa w’ataadeɛ bɔ owura ye bo ne ɛkɔboka ye so ɔ. Ebiala bɔ ɔsrɛ wɔ nikyee ne, fa ma ye; yeɛ sɛ ebie de wɔ sa nu nikyee a, nnesa de ye ko.

“Bakaa paa biala nne berɛ bɔ osu mmaa tɛɛ ɔ, yeɛ bakaa tɛɛ biala nne berɛ bɔ osu mmaa paa ɔ.

Ofikyɛ bakaa biala ye bɔbɔ ye mma yeɛ bɛfa benwu ye baka sue ɔ. Bɛndete borɔdoma mma bemvi mmowue so, yeɛ bɛndete bobe mma bemvi agurɛ so.