Popular Bible Verses from Lúcas 19

Share

Óir tháinic Mac an Duine a chuartughadh agus a shlánughadh an nídh a bhí caillte.

Ag rádh: Is beannuighthe an rí atá ag teacht i n-ainm an Tighearna; síothcháin ar neamh agus glóir ins na h-áird.

Dubhairt Íosa leis: Thárla slánughadh do’n tigh seo indiu, de brígh go bhfuil seisean fosta ina mhac ag Abraham.

Agus ag amharc suas do Íosa, ag teacht chun na h-áite dó, chonnaic sé é, agus dubhairt leis: A Shacheuis, tar anuas go tapaidh, óir is éigean damh cómhnaidhe a dhéanamh i do thigh-se indiu. Agus tháinic sé anuas go tapaidh, agus ghabh sé chuige é fá lúthgháir.

Agus sheasuigh Sacheus agus dubhairt leis an Tighearna: Féach, a Thighearna, bheirim leath mo choda do na bochta, agus má rinne mé éagcóir ar aoinneach i n-aon nídh, bheirim a cheithre oiread dó thar ais.

Agus dubhairt cuid de na Fairisínigh as an tsluagh leis: A mháighistir, cuir smacht ar do dheisciobail. Agus dubhairt sé leo: Deirim libh, má bhíonn siad seo ina dtost, béicfidh na clocha.