Popular Bible Verses from Lukas 11

Share

Jadi kalo kam yang pu sifat jahat saja tau kasi yang baik sama kam pu anana, lebi lagi Bapa di surga! De pasti kasi kam Roh Allah untuk sapa saja yang minta.”

Jadi Sa kastau kam: Minta trus sama Allah supaya kam bisa trima; cari dari Allah supaya kam bisa dapat; toki pintu supaya Allah buka kam pintu.

Karna orang yang minta, de trima; orang yang cari, de dapat; orang yang toki pintu, untuk de pintu tabuka.

Yesus De jawab dong, “Kalo kam mo doa, bilang, ‘Biar Bapa pu nama yang suci dapa kas tinggi, Bapa pu Krajaan datang di bumi.

Kas ampun tong pu dosa-dosa sperti tong juga kas ampun orang yang sala sama kitong. Jang kas biar tong bikin dosa kalo dapa uji.’ ”

Kasi tong makanan yang cukup stiap hari.

Ko pu mata itu plita untuk ko pu diri. Kalo ko pu mata trang, ko pu diri juga trang, tapi kalo ko pu mata glap, ko pu diri juga glap.

Trus Yesus bilang satu conto sama orang banyak, “Trada orang yang pasang plita trus taru di tempat sembunyi ato di bawa loyang. Tapi de pasti taru plita di tempat yang tinggi, supaya smua orang yang masuk dalam ruma bisa liat trang itu.