Popular Bible Verses from Luka 9

Share

Kawalongela wose, “Munhu wowose yahalonda kuminza, na yaibele mwenyecho, yaidikwe msalaba wake mazuwa gose, yaminze!

Kwa mzoko munhu yolonda kwihonya mwenyecho, koigwasika; na yuja yonda yaigwasike mwenyecho kwa kilumbo changu, ayo yuyo yonda yaihonye.

Yesu kamulongela, “Munhu yagogile gembe mumkono, yosonga kulima yahalola kukisogo, honda yaudahe Undewa wa Mulungu.”

Avo vonogaze munhu kuipata mbago yose, kamba yahaigwasika hebu kuyagiza mwenyecho?

Kilumbo munhu yonda yanyonele kinyala niye na malonga gangu, Mwana wa Munhu komonela kinyala munhu hiyo, vonda yeze kuna iyenzi yake na ya Tata na malaika wangʼalile.

Yesu kamulongela, “Vibakwi wanazo mhango, na ndege za uchana wana mvulu zawo, komu Mwanage Munhu kabule hakusagamiza ditwi jake.”

Kawalongela, “Yoyose yonda yambokele mwana yuno kwa twaga jangu, kambokela niye, na yoyose yonda yambokele niye, kambokela Yuyo Yangalile; kwa mzoko heyo yali mdodo kumwenu, ayo yuyo mkulu.”