Popular Bible Verses from Sanghano 4

Share

Avo kuduhu ugombozi kwa munhu iyagwe yoyose, kwa mzoko kuduhu twaga diyagwe dili hasi ya ulanga diwagwelelwe walumwengu, dilingile tweye kukomboligwa najo!”

Vuwamalile kumpula Mulungu, hanhu haja hawelundize, hagudemezwa; wose wamema Loho Yangʼalile, walonga mbuli ya Mulungu na kulavanya, wali bule kidumbo.

Avo Mndewa, galolese madumbizo gao, ukawamotele watumigwa wako, walonge mbuli yako na moyo nhula!

Heyo yuyo dibwe dija dimulemile mweye mzengaga, digalamka dibwe da kingolobweda.

Vuwawawene Petro na Yohana vowokala wolonga wali bule na kidumbo, na vija vuwatangile kamba wanhu hawalangulizwe Jandiko hebu nzewele, wakanganya; kabili wawatanga kamba wakala hamonga na Yesu.

Na mpuli wa wanhu watogole wakala na moyo umwe na loho imwe, wala haduhu imonga yalongile kamba kinhu chochose kiyali nacho icho chake mwenyecho, bali vinhu vyose vikala msangilo.