Popular Bible Verses from MARCOS 10

Share

Tumen tac u Paal Máaque' ma' j taal u ti'al ca meyajta'aqui', ba'ale' u ti'al meyaj yéetel u ti'al u dzáa u cuxtal bey jun p'éel bo'ol u ti'al tocsajil ti' ya'abcach máaco'obe'.

Ca j pacta'abo'ob tumen Jesuse' ca j a'ala'ab ti'ob: Máaco'obe' ma' tu yutztal u beetico'ob lela', ba'ale' Kue' je'ele'. Tumen mina'an mix ba'al talam u ti'al Ku.

Jesuse' tu ya'alaj ti': Cu páajtal a bin. Dzo'oc a wutztal, tumen ocsaj óolnajech. Ti' le jun súutuco' le ch'óopo' j páatji u paacat ca bin tu paach Jesús ti' le bejo'.

Le o'olale', mix máac u najmal u jatzic ba'ax nupa'an tumen Ku.

Jesuse' tu pactaj yéetel yaacunaj ca tu ya'alaj ti': Jun p'éel ba'al u bin teech: xeen, con tuláacal ba'ax yaan teche' ca a dzáa ti' le óotzilo'obo'; bey túuno' bíin yanac ti' teech ayikalil te j ca'ano'. Cu dzo'ocole', co'oten, ca taalaquech tin paach, quex u tojolt teech a cuxtal.

Jesuse' tu káat chi'itaj ti': ¿Ba'ax a káat ca in beet ti' teech? Le ch'óopo' ca tu núucaj ti': Aj ca'anbesaj, in káat paacat.

Ba'ale' ma' bey cu bin úuchul ichile'exi'. Tumen ichile'exe' le máax u káat u nojochcuntubae', unaj u meyajtic le u láako'obo'.

Tu jaajil quin wa'alic ti' te'exe', le máax ma' tu kamic u Ajawil Ku je'el bix u ka'amal tumen jun túul chaan pale', ma' bíin ocoqui'.

Ba'ale' ya'ab ti' le máaxo'ob táanilbe'eno'ob bejela'a' bíin p'áataco'ob tu dzo'oc; yéetel ya'ab ti' le máaxo'ob pachilcunta'ano'ob bejela'a', yaan u máano'ob táanil.

Ba'ale' ti' u cáajbale', le ca tu beetaj Ku tuláacal ba'ale', tu beetaj xiib bey xan co'olel. Le o'olale', le xiibo' yaan u p'atic u taata yéetel u maamae' u ti'al u nupcubáa yéetel u yatan, tu ca'a túulil túun bíin jun p'éelchajco'ob. Bey túuno' ma' ca'a túulo'obi', ba'ale' chéen jun túulilo'ob.