Popular Bible Verses from Etatelu 27

Share

Unyashungu akusha lopopo uma lʼulungu la eteto lu kete. Dinela dia mbu ya nde la wanu kadiuyalaki efula. Antu wakukambelaki ulimu, wedja wakukhusamelaki. Mananu kayali le untu tshe layukudja mananu; la otshoko le untu tshe layukotshokolaka.

Ku Esau akati ati: Aha Jakoba (kitshimudi ati: Ukesanyi) keli lukumbu landi? Ndi ambunkesa tena pendi ne: ndi akamputola ukito ami wa onʼenundu, ku kakiane ndi ambompotola ndu otshoko ami. Ndi akambula shi ati: We kunamemi nduku otshoko ukina?

Isaka, shi, akawutela ati: Ulungi, edjaselu kaye kayuyala lu kete yaha la eteto ndu yaha la lopopo lʼuma lʼulungu. Uma lu wulu wa yombo yaye mbayuyutshikala la lumu. We ayukambelaka onanyo ulimu. Lamʼayuyuhindula, we ayokola lokoho landi uma lu kingu kaye.

Esau akambula shi ati: We aki paka la otshoko one utu? Papa ontshokole ndu dimi! Esau akadi ekuku, akaleli.