Popular Bible Verses from Yohana 12

Share

Munhu ose ulu unitumamila, unilondele: hangi aho ndi Nene, henaho ntumami wane nanghwe alabiza ho, munhu ose ulu unitumamila, ngʼwenuyo Baba alankumilija.

Uyo wabutogwa bupanga wakwe, alabuyagaja; nanghwe uyo wabukolwa bupanga wakwe mu si iyi, alabulinda kushisha ku bupanga butushila.

Nghana, nghana, namuwila giki, Ulu kabeke ka ngano katucha aho kugwa mu masalu, kakikalaga ho kiyene kike; aliyo ulu kucha, kakatwajaga matwajo mingi.

Nene nizile ndi isana mu si, munhu ose uwanizunya atizikala mu giiti.

Na munhu ose ulu wigwa mihayo yane, na buyidima yaya, Nene natunekanya nsango; iki natizile kubalekanya nsango ba mu si, aliyo kubapija ba mu si.

Hunaho Mariamu wali wenha latili imo ya maguta ga ngazu mela, ga mpango ngʼwingi, ubila magulu ga ngʼwa Yesu, upyagula magulu gakwe na nzwili jakwe; na numba yizula ngʼwaso gwa maguta.

Bubucha matambi ga matende, bufuma buja kunsumbila, buhamuka buhaya giki, Utupije haha; ali wa lubango Uyo wiza mu lina lya Seba, Ntemi wa Israeli.

Yesu ubashokeja, uhaya giki, Ikanza lyashikaga, Ngʼwana wa munhu akujiwe.